LEGAZPI CITY- Lugadan an sarong pintor makalihis na saksakon sa Purok 2 Brgy. Gajo sa banwaan kan Tiwi.
Binisto an biktima na si Sammy Celorico, 21-anyos asin residente kan nasambitan na lugar.
Nagluwas sa inisyal na imbestigasyon kan Tiwi Municipal Police Station na bigla na sanang sinaksak an biktima kan suspek na si Joselito Labor, 27-anyos na residente kan parehong barangay.
Nagsapar an biktima nin lugad sa tulak na tulos man na ipigdalagan sa haraning ospital para sa tratamentong medikal.
Naarestar man an nasambitan na suspek makalihis an insidente kun sain narekober digdi an sarong kutsilyo na ginamit sa pananaksak.
Nakakulong na ini ngunyan sa nasambitan na pulisya mantang padagos pang pig-iimbestigaran an motibo sa krimen.
