LEGAZPI CITY – Nakatalaan na magsabak sa nagkapirang sports event sa ibang nacion an binansagan na Pinoy Aquaman sa bulan kan Hulyo.
Sa intrevista kan Bombo Radyo Legazpi ki Pinoy Aquaman Atty. Ingemar Macarine, puspusan na an ipigsasagibong ensayo para sa babalihan na half marathon asin triathlon.
Isasagibo an half marathon sa Hulyo 7 sa Virginia asin masabak man sa triathlon sa Hulyo 27 sa New Jersey.
Segun ki Macarine, preparado na an lawas niya sa siring na mga sports huli na man sa paglangoy sa haloy na panahon.
Inako man kaini na sadiring gastos an pagsabak sa nasabing mga sports event afuera na sana sa ibang mga gamit na gagamiton sa nasabing aktibidad.
Sinabi ni Macarine na pigigibo an nasabing manlain-lain na sports ngani na ipromotir an adbokasiyang pagkakaigwa nin healty lifestyle.
