LEGAZPI CITY-Magigin operational na an pinakadakulang Double-A Modern Slaughterhouse sa Bicol Region sa masunod na bulan sa Virac Catanduanes.
Segun kay National Meat Inspection Service Bicol Regional Director Dr. Alex Templonuevo, sa intrevista kan Bombo Radyo Legazpi, pig-turn over na ini kan nakaaging taon asin nagkaigwa nin mga adjustment sa mga equipment asin alloted time sa paggamit kaini.
Dai man suboot pinayagan na magamit an gabos na proyekto antes dai ma-hired an butchers orog na sa Virac ngani dai makompromiso an kakayanan mga orig.
Popoonan ini sa Hulyo asin nagkundusir na man nin training kan mga officers asin naginspeksyon na man sa lugar.
Nasa 500 plus suboot an posibleng kaining ma-cater asin igwang mga standard na mga equipment.
Sinabi pa kan opisyal na enkado matapos an gabos na konstruksyon, nasa 15 LGUs an natawanan kan Slaughterhouses na saindang tinutukan ngani marealisa sa mga lokalidad.
Obheto suboot kaini na mapugulan an pagkalat kan mga diseases orog na kan African Swine Fever (ASF), asin magin paagi ini kan market accessibility asin standard na produkto kan rehiyon.
