Naelihir bilang bagong prime minister kan Japan si Sanae Takaichi.
An 64-anyos na si Takachi an enot na babaeng Prime Minister na na-elihir sa Japan.
Nakua niya an kabilugang 237 na boto gikan sa powerful Lower House asin 125 na boto gikan sa Upper House bilang lider kan ruling Liberal Democratic Party (LDP).
Siya man an pang-apat na Prime Minister na na-elihir sa laog kan limang taon kun saen an mga sinundan niya an amay na natapos an termino huli sa hababang ratings asin mga pigkakahampang na scandals.
Nahahampang ini ngonian sa dakulang angat sa ekonomiya kan Japan asin afuera pa digdi an relasyon kan Japan sa ibang nacion arug sa South Korea asin China.
Nagkapot man siya nin nagkapirang ministerial roles sa irarom kan nagadan nang si PM Shinzo Abe.
Piglalaoman na magkakaigwa nin mga idedesignar na bagong gabinete si Takachi.
