Ipagpapadagos kan Senate blue ribbon committee an imbestigasyon sa war on drugs kan nakalihis na administrasyon maski pa wara si dating Presidente Rodrigo Duterte.
Segun ki Senate Minority Leader Aquilino “Koko” Pimentel III na dakol an mga inimbitaran na resource person asin mga witness kaya dagos an imbestigasyon.
Pupuunan kan Senate blue ribbon committee an pagdangog sa Oktubre 28 asin target na magkaigwa nin tulo hasta apat na pagdangog.
Marurumduman na sinabi ni Senator Ronald “Bato” Dela Rosa na maatendir si Duterte sa Senate hearing maski pa dae ini naghampang sa imbestigasyon kan House Quad Committee.
Segun ki Pimentel na an nasabing Senate hearing an magtataong oportunidad sa nagkapirang indibidwal ngani na magsimabg sa mga pahayag ni retired Police Colonel Royina Garma.
Enot na kayang sinabi ni Garma na sa House QuadComm na nagpahanap si Duterte nin opisyal na magi-implemetar kan Davao model na kampanya kontra iligal na droga kun sain nasa P1 million an pabuya para sa mga makakagadan nin drug suspects.
