Suportado kan Pilipinas an two-state solution na kapwa naaayon para sa Israel asin Palestine.
Pahayag ini ni Palace Press Officer Usec Claire Castro, kasunod kan sinabi ni Palestinian Ambassador to the Philippines Mounir Anastas na panahon na nganing mag-apply nin pressure an Pilipinas sa Israel nganing maresolba na an humanitarian crisis sa Gaza.
Sa press briefing sa Malacañang, sinabi ni Usec Castro na kasaro kan Pilipinas kan bilog na kinaban, sa pangapudan, para sa matoninong na pagco-coexist kan Palestine asin Israel, asin pagbisto sa kapwa borders kan lambang saro.
Suportado man suboot kan nacion an panghaluyan asin komprehensibong kapayapaan sa Middle East, alinsunod sa UN Charter asin relevant UN Security Council resolutions.
Huli digdi, padagos an pangapudan kan administrasyon na siertohon na dae mahahadlangan an anoman na tabang para sa mga namamanwaan kan Palestine.
Katakod sa pangapudan kan Ambassador na mag-apply nin pressure an nacion sa Israel, mas angkop suboot na maghale am simbag kan nacion, gikan sa Department of Foreign Affairs (DFA).
