‘Piling lugar sana sa Bicol an isasairarom sa election hotspot’ -PA

LEGAZPI CITY — Nilinaw kan Philippine Army na bako man bilog na rehiyong Bicol an isasairarom sa election hotspots kundi pili sanang lugar.

Sa intrevista kan Bombo Radyo Legazpi ki 9th Infantry Division (9ID) spokesperson Col. Paul Regencia, maski isinabay an Bicol sa apat na pigtukoy sa Memorandum 32 kan Malacanang, bako boot sabihon na an bilog na rehiyon an papadarahan nin dugang na tropa kundi an nagkapirang lugar sana siring kan provincia kan Masbate.

An nasabing provincia kaya an pirmi man suboot na pigbabanayan tuyong may eleksyon huli sa nangyayaring lawless violence.

Kaipuhan man suboot na aramon an eksakto o specific location na ika-classify bilang election hotspot.

Dugang ni Regencia, ipipresenta kaini an Joint AFP-PNP Security Measures para sa rehiyon kaiba an Regional Peace and Order Council (RPOC) Bicol sa meeting kaini sa Commission on Elections (Comelec).