LEGAZPI CITY—Sarong panibagong low pressure area an pigbabantanyan ngunyan kan state weather bureau na posibleng makaapektar sa rehiyong Bicol sa mga masunod na aldaw—partikular na ngunyan na Huwebes, Biyernes, o Sabado.
Segun ki Weather Specialist Christian Allen Torrevillas, sa intrevista kan Bombo Radyo Legazpi, an nasabing low pressure area an may tsansa na magin sarong bagyo.
En kaso suboot na maglaog ini sa Philippine Area of Responsibility asin dagos nang mabilog bilang bagyo, aapudon ini sa local name na “Opong”.
Mientrastanto, padagos man na pigpagiromdoman kan opisyal an publiko na mag-antabay sa mga masunod na updates kan saindang opisina mapadapit sa nasabing raot nin panahon.
