LEGAZPI CITY- Pighayag kan Philippine Institute of Volcanology and Seismology na bako na nagbaba sa nakalihis na mga aldaw an mga rockfall events na nairerehistro sa bulkang Mayon.
Segun ki Philippine Institute of Volcanology and Seismology Director Teresito Bacolcol sa intrevista kan Bombo Radyo Legazpi na magin an volcanic earthquakes an dae man marhay nagkukusog.
Katakod kaini, dae pa pigkokunsiderar kan ahensya an pagtataas kan alerto kan bulkan na presenteng nasa alert level 1.
Paliwanag kan opisyal na dae man nagkakaigwa nin pagbabago sa datos kan iba pang parametro na pigbabantayan kan ahensya kaya wara pang rason ngani na itaas an alerto.
Mientras tanto, nagpahayag man nin pag-omaw si Bacolcol sa amay na pagpapaluwas nin direktiba kan gobierno provincial kan Albay ngani na maghanda enkasong lumala an aktibidad kan bulkang Mayon.
Tama sana suboot an lakdang ngani na pirmihan na preparado sa anuman na sitwasyon.
