Dae pigtatanggal kan Philippine Institute of Volcanology and Seismology (Phivolcs) an posibilidad na magkaigwa pa nin mas makukusog na pagsabog sa bulkang Kanlaon asin bulkang Taal.
Ini an kasunod kan naenot na pagbuga nin abo asin volcanic materials kan duwang nasabing bulkan.
Segun ki Phivolcs volcanologist Dr. Paul Alanis, nagtetenir na halangkaw an abnormalidad kan duwang bulkan asin nagpapahiling nin padagos na paghiro maski sa mga panahong tahimik pa an mga ini.
Paliwang kan opisyal na mantang nasa irarom sana nin Alert No. 1 an bulkang Taal, dati na ining nagpapahiling nin mga sunod-sunod na aktibidad, kun ibabase sa record na kapot kan Phivolcs.
Para sa Kanlaon na nasa irarom kan Alert Level 2 mas halangkaw suboot an posibilidad kaini na magsabog huli sa mas madalas na aktibidad kaini.
Huli digdi, pig-engganyar ni Alanis an publiko na nag-iistar harani sa duwang bulkan na regular na bantayan an sitwasyon asin magtenir na alerto.
