LEGAZPI CITY- Katakod kan makolor asin maogmang grand opening kan Palarong Bicol 2017 sa syudad kan Legazpi, nanotaran man an presensya ni Philippines’ Best Power Lifter asin Philippine’s Strongest Woman na si Betina Bordeos sa nasambitan na event.
An Legazpeña kaya an napiling torch bearer asin magsulo kan cauldron durante kan opisyal na pagbubukas kan nasambitan na pakawat.
Maabot sa 12,000 an partisipantes sa parada na nakasulot kan saindang kanya-kanyang makokolor na uniporme asin dara an mga bandera kan saindang dibisyon.
Apwera sa presensya ninda Congressman Joey Sarte Salceda, Governor Al Francis Bichara, Mayor Noel Rosal asin iba pang alkalde, yaon man si Analyn Savilla, an sekretaryo kan Department of Education (DepEd) Albay bilang huespe de honor.
Sa intribista sa weight lifter na si Bordeos, nagpahayag ini nin kaogmahan sa pagkakaimbitar saiya sa event asin sinabi kaini na nahiling nyang dakol an mga aking atleta na urog suboot na nakakaogma huli ta indikasyon ini na magkakaigwa nin magayon na puturo an Philippine Sports.
Payo man kaini sa mga Bicolanong atleta na dae basta-basta magsurindir sa sports huli ta natural nang manggagana o madadaog.
