Inihayag kan sarong maritime law expert na sarong pangenot na makaalarma an paggamit kan puwersa na pagbayular sa ley kontra sa mga tropa kan gobierno asin sa behikulong pandagat, na malinaw na sarong pagbayular sa mga prinsipyo kan charter kan United Nations asin International law.
Segun ki Atty. Jay Batongbacal kan UP College of Law-Institute for Maritime Affairs and Law of the Sea, sa ibong kan tensyon sa pagultangan kan Pilipinas asin China, nakahanda an gobierno na makipagtabangan sa China ngani na resolbaron an nasabing conflict.
Arog suboot kan sinabi ni Executive Secretary Lucas Bersamin na an nasabing insidente a dae itataas sa sarong mas halangkaw na international body.
Inihayag pa ni Batongbcal na an Pilipinas an pirming maghahanap nin matuninong, diplomatikong solusyon dapit sa isyu sa pinakahuring insidente sa Ayungin Shoal sa West Philippine Sea.
Paliwanag kaini na an Pilipinas an igwang mandato sa irarom kan Konstitusyon na talikudan an giyera bilang sarong paagi sa national policy asin pirming paghanap nin maayos na diplomatikong solusyon.
Ipinunto pa ni Batongbacal na bako madali para sa Pilipinas na tulos mag-react na lalong magpapalala sa sitwasyon.
