Kaibanan an Pilipinas sa 90 nacion na nag-atendir sa Ukraine peace summit na ginibo sa Buergenstock, Switzerland.
Nagtiripon anmga lider kan manlain-lain na nacion ngani na magkaigwa nin consensus dapit sa peace proposal kan Ukraine.
Si Presidential Adviser on Peace, Reconciliation and Unity Secretary Carlito Galvez Jr. an nagrepresentar ki Presidente Ferdinand Marcos Jr sa isinagibong peace summit.
Dae na nag-atendir sa nasabing event an China.
Nakatutok an isyu kan peace summit sa isyu dapit sa giyera magin sa pagkaon asin nuclear security.
Naghirit man an Turkey asin Saudi Arabia na magsagibo pa nin sarong pag-oolay kaibanan an Russia.
Para ki Ukainan President Volodymyr Zelenksy nagin matrayumpo an peace summit huli ta sa mga nag-atendir na world leaders na maikokonsiderar na sarong historya.
Dae man nakaatendir sa peace summit si US President Joe Biden alagad saiyang ipinadara si US Vice President Kamala Harris.
Sa bisperas kan summit, sinabi ni Russian President Vladimir Puton na tatapuson kan Russia an giyera kun matugot an Kyiv na ipundo an mga ambisyon sa NATO asin itao an apat na provincia na pigkaklamar kan Moscow.
Alagad marikas man na sinayumahan kan Ukraine asin mga kaalyado kaini an nasabing kahagadan kan Russia.
