LEGAZPI CITY—Makalihis na makapagrehistro nin halangkaw na heat index an provincia kan Catanduanes, pigpepreparan na kan Provincial Disaster Risk Reduction and Management Office (PDRRMO) Catanduanes an posibleng kakulangan sa suplay nin tubig sa provincia.
Segun ki PDRRMO Catanduanes Emergency Operations Section Chief Roberto Monterola, sa intrevista kan Bombo Radyo Legazpi, na igwa sindang mga alternatibong pagkukuwaan nin suplay nin tubig siring kan mobile treatment facilities na pwedesir i-deploy sa mga lugar na naapektaran nganing magkaigwa nin ligtas asin malinig na tubig.
Afuera digdi, sinabi pa kan opisyal na may mga water source man na pwedesir mapagkuwaan nin tubig en kaso magkaigwa nin emerhensiya.
Mientrastanto, nagpagiromdom man si Monterola sa mga namamanwaan na dae paglingawan an pagdara nin mga proteksyon laban sa init orog na kun maluwas sa saindang mga harong.
Nakapagrehistro nin 45°C heat index an provincia sa primerong aldaw kan bulan nin Abril.
 Catanduanes is preparing for the possible shortage of water supply in the province.){kind=link}