LEGAZPI CITY- Pursigodo an mga otoridad na dagos na mapuho an problema kan rehiyong Bicol sa iligal na droga.
Segun ki Philippine Drug Enforcement Agency Bicol Spokesperson Carlo Fernandez sa intrevista kan Bombo Radyo Legazpi na nagin mabunga an mga operasyon na ipigkondusir kan ahensya sa manlain lain na parte kan rehiyon.
Enot na operasyon sa Virac kan Oktubre 4 asin nasundan kan pagkaka dismantle kan drug den sa Ligao City kan Oktubre 6.
Narecover sa lugar an nagkapirang sachet nin shabu na nagkakantidad nin P102,000.
Afuera sa nadakop na drug maintaner, arestado man an sarong 22-anyos asin sarong 19-anyos na mga visitors.
Huli digdi, dae pighahali an posibilidad na dkaol na mga joven an pigpapabakalan nin iligal na droga sa nasabing ciudad.
Katakod kaini, sinabi ni Fernandez na padagos an pagpapakusog kan saindang mga programa urog na sa mga eskwelahan ngani na mailikay an mga jovenes sa iligal na droga.
