LEGAXPI CITY-Inimbitaran kan Philippine Coast Guard (PCG) ni Sen. Rodante Marcoleta na magiba sa sarong maritime domain awareness (MDA) flight pasiring sa Kalayaan Island Group (KIG).
Ini an nagin pahayag ni PCG spokesperson for the West Philippine Sea Commodore Jay Tarriela makalihis an pahayag ni Marcoleta na lagpas ini sa Exclusive Economic Zone kaya pwedisir na suboot ining ipanao.
Sa sarong post, sinabi ni Tarriela na an imbitasyon na ini, magtatao nin pagkakataon kay Marcoleta na ipaglaban an direchos sa West Philippine Sea kun sain pig-suhestyon niya na magiba si Marcoleta sa MDA flight pasiring sa Kalayaan Island Group.
Sa ibong na lado, pinahimutikan ni Marcoleta na nakalista an West Philippine Sea sa International Hydrographic Organization, kun sain kinakaipuhanan nin mapa katakod kan United Nations na an kadagatan kabale an Kalayaan Island Group, bako sakop kan exclusive economic zone kan nacion.
Marurumduman na an Kalayaan Island Group an parte kan Spratly Islands, na pigpoporbaran na sakupon kun sain saro sa mga lugar kan mga Pilipino, local government unit, asin military personnel, kaiba an Pag-asa Island na dai mababa sa 280 nautical miles an distansya sa Kanluran kan Palawan.
Dagdag pa ni Tarriela, an MDA flights, an regular na pigsasagibo ngani mabantayan an maritime conditions asin maipahiling an presensya kan nacion sa West Philippine Sea.
Pigagamit an mga flights ngani mag-survey kan sea routes asin masubaybayan an foreign maritime activities sa kagadatan kan nacion.
