LEGAZPI CITY-Nanindugan an Philippine Coast Guard (PCG) na bako planted na an mga narekober na sako sa Taal Lake na parte kan retrieval operations sa mga bangkay kan mga nawawarang sabungeros.
Sa sarong intrevista, tinawan doon ni PCG Spokesperson Noemi Cayabyab na lehitimo an saindang ikinakasang operasyon sa nasabing lawa asin saro suboot ini sa pormal na imbestigasyon sa kaso.
Sinabi ni Cayabyab, dai kinokondena kan saindang himpilan na planted an mga nakuang sako sa Taal Lake huli sa obheto kan kada diving operations na saindang pigsasagibo, iyo an makapaghatod nin hustisya asin katotohanan.
Dagdag pa kan opisyal, na dai dapat tawanan nin mga siring kaini na mga espekulasyon an operasyon huli sa nakataya digdi an buhay kan kada technical divers na nagsisisid sa ibong kan kondisyon kan tubig sa nasambitang lawa.
Mientrastanto, pigsierto man suboot ni Cayabyab na magpapadagos an diving operations liwat sa kinahahampang na klima sa lugar siring kan darakulang alon, magin an alert level kan Bulkang taal, hanggang sa maretrieve an iba pang ‘suspicious objects’ hale digdi.
