Tinawan duon ni Presidente Ferdinand Marcos Jr. an importansya kan integridad, disiplina, asin dangal sa serbisyo publiko, kasabay kan pag-atendir sa pagtatapos kan Philippine Military Academy (PMA) ’Talang Dangal’ Class of 2026.
Segun sa presente na dapat rumdumon kan mga kadene na an katapatan an bako sa anuman na politikal na interes, bako sa siisay man na indibidwal, kundi sa konstitusyon.
Inenganyar man niya an mga kadete na panindugan an mga prinsipyo kan pagsasabi nin totoo, dae panghahabon, asin dae pag-tolerate sa anuman na salang gibo, huli ta an pagigin silensyo sa sala an maikokunsiderar na pagtataksil.
Ipinahayag man ni Presidente Marcos an saiyang kumpiyansa sa kakayanan asin pagigin honesto kan mga nagsipagtapos na kadete, na bilog na puso na magseserbisyo sa mga Pilipino asin sa banwaan.
Dagdag pa kaini na mantang nagigin honesto an mga suldados sa bandera kan nacion, dae sinda mawawaran nin direksyon sa saindang mandato.
Mientras tanto, si Cadet First Class Christine Kaye Demisana Librada kan Batangas an nangibabaw sa 207 na kadete kan PMA Talang Dangal’ Class of 2026.
Sa saiyang talumpati, inenganyar kaini an mga kapwa kadete na magin mga “honorable leaders.”
