Pigsugo ni Pangulong Ferdinand Marcos Jr an Deprtment of Health (DOH) na tugunan an naghahalangkaw na kaso kan HIV sa nacion.
Segun kay Health Secretary Ted Herbosa, mahigpit an kasuguan ni Presidente marcos na padalion an pagtatao nin serbisyo sa paagi kan mas marikas na proseso sa mga pangenot na hospital na dudumanan kan mga indibidwal na namumuhay na may HIV.
Pigtawan doon kan kalihim na sa paagi kan nasabing sistema maaasigurar na man an regular na pagkunsulta kan mga igwang HIV.
Papahiguton man kan DOH an saindang kampanya na isawata sa isipan kan satuyang mga kababayan an stigma kan pagkakaigwa nin HIV.
Basado sa datos kan DOH nasa 57 kaso an nairerehisto kada aldaw poon kan bulan nin Enero hasta ngonian na Marso o sa enot na quarter kan taon.
Sa presente suboot na huli ta may mga bulong na dae na nakakagadan an nasabing helang bastat regular an pag kunsolta asin pag inom nin bulong.
Huli digdi sinabi ni Herbosa na pinahigot kan DOH an pagtatao nin libreng anti-retoviral o ARV drugs sa mga indibidwal na namumuhay na may HIV.
Sa ibong kaini, pigtawan doon ni Herbosa na panahon na man nganing amyendahan an ley nganing labanan an HIV.
 to address the rising number of HIV cases in the country. According to Health Secretary Ted Herbosa, President Marcos' strict order to expedite the provision of services through a faster process in the main hospitals where individuals living with HIV will go.){kind=link}