LEGAZPI CITY-Nakatakdang mag-biyahe si President Ferdinand R. Marcos Jr. pasiring sa Busan asin Gyeongju, South Korea sa maabot na Oktubre 30 hasta Nobyemre 2, ngonian na taon.
Ipighayag ini ni Foreign Affairs Spokesperson Assistant Secretary Angela Escalona na ngonian na aldaw sa Malakanyang.
Ini para sa pagatendir sa ika-32 Asia-Pacific Economic Cooperation (APEC) Summit 2025, basado sa imbitasyon ni Korean President Lee Jae-myeong kan Repbulika kan Korea.
An taunang pag-orolay an may temang “Building a Sustainable Tomorrow: Connect, Innovate, Prosper”, na obhetong pakusugon an koneksiyon asin inobasyon sa rehiyon para sa mas matibay asin sa paguswag kan ekonomiya.
Mientrastanto, segun sa pahayag ni Escalona na wara man nin na pagoolay si President Marcos kaiba si US Pres. Donald Trump sa sidelines kan APEC Summit 2025 sa South Korea.
Wara man suboot nin iskedyul sa posibleng pagoolay kay Chinese President XI JIN PING si President Marcos.
