Labing naogma an The Beatles fans makalihis an mahiling na magkaibanan sa sarong stage an original member kaini na si Paul McCartney asin Ringgo Starr.
Pigsagibo an gareng ‘reunion’ kan duwa sa O2 Arena sa London.
An nasabing konsiyerto an pang-huring performance ni McCartney kan saindang “Got Back”Tour.
Nagshow na kaya an 82-anyos na si McCartney sa nagkapirang mga lugar arog sa France, Spain asin Brazil.
Kinanta kan duwa an saindang hit song na “Helter Skelter” asin “Sgt. Pepper’s Lonely Hearts Club Band”.
Apwera kay Ringgo an naging guest man sa concert si Rolling Stone guitaritst Ronnie Wood na tinugtog ninda an patok na kantang “Get Back”.
Sa nasabing konsiyerto man an ginamit ni McCartney sa enot na bes makalihis an labi sa 50 taon an saiyang original na Hofner 500/1 bass guitar.
An nasabing gitara kaya an hinabas kan 1972 asin liwat na naibalik kay McCartney ngunian na taon lang.
