Ipighayag kan Department of Justice (DOJ) na masumiter ini nin kahagadan sa pagkansela kan pasaporte ni Atty. Harry Roque.
Magigiromdomang si Roque an may warrant of arrest na iniluwas kan Angeles City Trial Court katakod sa kasong human trafficking huli sa ilegal na operasyon kan POGO sa Porac, Pampanga.
Segun ki DOJ Secretary Jesus Crispin Remulla, magdudugang suboot sa pagigin undocumented alien ni Roque an pagkanselang ini alagad posibleng dae siya tulos i-deport huli sa saiyang aplikasyon para sa asylum sa Netherlands.
Naglalaom man an opisyal na isasaalang-alang kan gobierno kan Netherlands an kasong isinunad laban ki Roque.
Mientrastanto, enot nang pighayag ni DOJ Undersecretary Nicholas Ty na hinagad kan ahensya sa Interpol na magluwas nin red notice laban ki Roque.
