LEGAZPI CITY- Nasakote kan mga residente an parahabas na nagbalong mangbiktima sa Barangay San Andres, Bato, Catanduanes.
Segun ki Bato Municipal Police Station information officer Police Staff Sergeant Renen Delos Reyes sa intrevista kan Bombo Radyo Legzpi na nagimata an biktima na pigkukuwa na kan suspek an bag kaini na may laog nin kwarta.
Huli digdi, tulos man na naghagad nin tabang an biktima sa mga kapitbahay na tulos man na hinarang an nasabing suspetsado.
Napag-araman na binadulan pa nin helmet an babaying biktima kan pigbabalo kaini na pugulan an pagdulag kan akusado.
Mientras tanto, sinabi kan opisyal na nawalat pa sa lugar an getaway vehicle na motorsiklo.
Segun ki Delos Reyes na kan buksan an toolbox kan motorsiklo, nadiskubre pa an duwang sachet kan pinagsususpetsaran na marijuana.
Huli digdi, patong patong na kaso an kakahampangon kan nasabing suspek.
