Nagsagibo nin panibagong trilateral Air Patrol an Tactical Operatons Wing Western Mindanao sa paagi kan Tactical Operations Group Sulo-Tawi-Tawi kan Philippine Air Force (PAF) sa borders kan Sulu asin Tawi-Tawi.
Ini an parte kan sanib-pwersang inisyatibo kan mga nacion kan Indonesia, Malaysia asin Pilipinas ngani na pakusugon an seguridad asin kaayusan sa lugar.
Kaibanan sa air patrol mission an mga personnel kan 300th Air Intelligence and Security Wing kan Philippine Air Force, Tactical Operations Wing WestMin, 220th Airlift Wing, Tactical Operations Group Sulu-Tawi-Tawi , Philippine Navy, Joint Task Force Tawi-Tawi, Naval Intelligence and Security Group, asin Western Mindanao Command.
Papakusugon pa kan nasabing trilateral Air patrol an sanib-pwersang presensya sa ere kan rehiyon, matabang sa reconnaissance asin surveillance kan kaduda-dudang foreign vessels asin unusual maritime activities.
Makakatabang man ini sa pagpugol kan cross-border security threats siring kan terorismo, piracy asin human trafficking.
