LEGAZPI CITY- Nagsasagibo ngonian nin pagsukol asin pag-aadal an Precise Leveling Team kan Philippine Institute of Volcanology and Seismology (PHIVOLCS) sa norteng porsyon kan Bulkang Mayon sa Albay.
Sa intrevista kan Bombo Radyo Legazpi ki PHIVOLCS resident volcanologist Dr. Ed Laguerta, parte an lakdang kan pagbabantay kun igwang panibagong source na nagsasakat hali sa irarom kan bulkan.
Magigirumduman na nairehistro an makapirang beses na phreatic eruption asin saradit na lava fountaining events kan nakalihis na bulan na pighihiling ni Laguerta na kaibanan pa sa materials kan nakaaging pag-aalburuto puon kan Enero hasta Abril.
Mientras tanto, dedeterminaran sa nasabing precise leveling kun nagkaigwa nin pagbabago sa Tabaco City-Lidong, Sto Domingo side kan bulkan.
Nagluluwas kaya suboot sa isinagibong pag-aadal na igwang seal o source kan deposito na pinaghahalean kan magma kan Mayon sa southeast side mantang hihilingon man an passageway kan magma sa northern side.
Dugang pa ni Laguerta na nanotaran man an pagbutog o paghubag sa southeast side na nakahampang sa ciudad kan Legazpi mantang pababa man sa northern side na nakahampang sa ciudad kan Tabaco.
