LEGAZPI CITY-Magkakasabay na pigpaotob kan mga kumpanya nin langis an paghalangakaw kan presyo sa saindang mga produkto na magigin epektibo ngonian na aldaw.
Ipigpaotob poon alas 6 nin pagkaaga an P0.70 na paghalangkaw sa kada litro kan gasolina.
Mantang igwa man na paghalangkaw nin nasa P1.40 sa kada litro kan diesel asin an kerosene igwa man na P0.80 na paghalangkaw sa kada litro.
Segun sa Department of Energy (DOE) na an nasabing pagbabago sa presyo huli sa halangkaw na oil demands asin geopolitical tension sa Red Sea.
Piglalaoman man kan ahensiya na magkaigwa nin pagbawas sa presyo kan mga produktong petrolyo sa masunod na semana huli sa paghalangkaw kan produksyon kan mga Organization of the Petroleum Exporting Countries (OPEC) asin sa paghalangkaw kan taripa na ipigpapaotob ni US President Donald Trump sa mga nacion.
