LEGAZPI CITY-Isingangat kan mga progresibong grupo an panibagong impeachment complaint laban kay Vice President Sara Duterte ngonian na Lunes, Pebrero 2.
Kasunod ini kan reklamong may kinaaraman sa betrayal of public trust o pagsawarang bahala sa pagtubod kan publiko.
Susog sa report, pigendorso kan Makabayan bloc sa House of Representatives an reklamo, kun sain pigtutukoy an maling paggamit ni VP Sara Duterte sa pondo.
Ini an enot na impeachment complaint laban sa Bise Presidente magpoon kan ideklara kan Korte Suprema na unconstitutional an nakalihis na impeachment complaint.
Segun kay Renato Reyes Jr. kan Makabayan Bloc, obheto kan panibagong reklamo na panimbagon si Duterte sa suboot pagbalgar sa pagtubod kan publiko asin maling paggamit kan pondo.
