Padagos an paglangkaw kan presyo kan langis sa pangkinaban na merkado kasunod kan patanid kan Estados Unidos na sasakyadagon an mga tulay asin power plants kan Iran kun aatakihon an mga barko sa Strait of Hormuz.
Huli digdi, posibleng magkaigwa na naman nin panibagong paglangkaw sa presyo kan produktong petrolyo.
Basado sa enot na pagkakarkulo, an diesel an posibleng maglangkaw nin P4.70 kada litro.
An gasolina man an posibleng maglangkaw nin P4.90 kada litro mantang an kerosene an posibleng may dugang na P3.30 kada litro.
An nasabing presyuhan an posible pang magbago kun magkakaigwa nin development sa world market asin sa kariribukan sa Middle East.
