LEGAZPI CITY- Nangangapudan ngunyan nin tabang an pamilya kan Overseas Filipino Worker na binawian nin buhay sa Thailand, ngani na maiuli sa Pilipinas an hawak kan biktima.
Sa intrevista kan Bombo Radyo Legazpi sa tugang kan biktima na si Rowil Mandane, sinabi kaini na nagluwas sa inisyal na imbestigasyon kan mga otoridad na naghugot an biktima.
Nagpahulog suboot ini sa ika-23 na palapag kan establishimento kaibanan an partner na Chinese.
Pighihiling kan pamilya kan biktima na depressed ini urog pang haloy na suboot na mawot na mag-uli sa Pilipinas.
Sa presente, nasa freezer pa suboot kan Department of Forensic Medicine, Faculty of Medicine sa Thailand an hawak kan biktima asin nadidifisilan sinda sa proseso kan pag-uli kaini sa Pilipinas urog pang dakol na resources an kinakaipuhan.
Segun pa ki Mandane na nadidifisilan sinda na maka-contact sa embahada kan Pilipinas sa Thailand asin aminadong dati ng dae tinabangan kan minsan na magrani sa nasabing opisina.
Dugang pa kaini na padifisilan man an paghagad nin tabang sa mga ahensya de gobierno huli ta dakol na mga dokumento an pighahagad sa sainda.
Segun pa ki Mandane na padifisilan man an magkaibang lenggwahe kan duwang nacion kaya kinakaipuhan pang i-translate an gabos na dokumento na pigpapadara sa Thailand.
