LEGAZPI CITY—Nangangapodan nin tabang para sa pagpapaburol an pamilya kan nadukayang wara nang buhay na indibidwal sa Barangay Lamba, Legazpi City.
Magigiromdomang nadukayan kan mga otoridad an sarong 19-anyos na lalaki, child with special needs, asin residente kan Purok 1 Barangay 15 Ilawod East Legazpi City.
Segun ki Glen Nacion, an pamilya kan biktima, sa intrevista kan Bombo Radyo Legazpi, prayoridad ngonian ninda na matawan nin nararapat na burol an biktima.
Namomroblema an pamilya kan biktima para sa pangangaipo sa pagkakagastusan nganing maipalobong sa mas lalong madaling panahon an nasabing persona.
Dae man suboot hahaboan kan saindang pamilya an ano man na asistensya na maibabarewas kan iba orog na ngonian na nasa panahon sinda na nangangaipo nin tabang.
