Kinondena kan Commission on Elections (Comelec) an nangyaring pamambabadil sa Provincial Election Supervisor (PES) kan Sulu na si Atty. Vidzfar Julie.
Nangyari an insidente sa Zamboanga City kasubagong aga.
Nasa maray nang kondisyon an opisyal kan poll body alagad an saiyang tugang na kaiba sa laog kan behikulo an nagadan nin huli ta tinamaan nin bala sa payo.
Pig-enganyar man ni Comelec Chairman George Erwin Garcia an mga otoridad na tulos magsagibo nin aksyon manungod sa pangyayari nganing masyerto na mapapanimbag an nasa likod kan krimen.
Sa post man ni Atty. Julie, inapod niyang mga “duwag” an nasa likod kan pangyayari asin pig-agyat niyang lumantad an mga ini asin magpamidbid.
