LEGAZPI CITY-Nagtetenir na maluya an piso kontra dolyar kun sain nasa P59.17 an kantidad kan sarong US dollar.
Basado sa datos kan Bangko Sentral ng Pilipinas, nagtetenir na maluya an palitan kan piso laban sa iba pang foreign currencies.
An padagos na pagluya kaini katakod kan halangkaw na presyo kan krudo sa pankinabang merkado huli sa tensyon sa Middle East, siring man an halangkaw na interes kan US Federal Reserve na nagpapakusog sa demand para sa dolyar.
Mientrastanto, nagtetenir na halangkaw an presyo kan pagkakan asin transportasyon na nakakaapektar sa kumpiyansa kan merkado.
Huli digdi, mas halangkaw an singil sa importasyon kan mga pangenot na barakalon asin piglalaoman na malangkaw pa an presyo kan mga produkto.
Pigsisierto man kan Bangko Sentral ng Pilipinas na babantayan ninda an foreign exchange market asin handang magpaotob nin mga lakdang ngani mamantenir an katatagan kan piso asin susuportaran an mga sektor na apektado kan maluyang palitan.
