LEGAZPI CITY- Ipiglansar kan Bangko Sentral ng Pilipinas sa ciudad kan Legazpi an programang Paleng-QR PH asin Piso Caravan.
Segun ki Bangko Sentral ng Pilipinas Legazpi Area Director Alvin Bermido sa intrevista kan Bombo Radyo Legazpi na obheto kaini na mapalawig pa an paggamit kan digital payments sa paagi kan mga applications.
Nagtutubod an opisyal na magkakaigwa ini nin positibong epekto sa ciudad kan Legazpi.
Pwedesir suboot na magamit an Paleng-QR PH sa mga merkado kan mga paratienda asin mga kunsomidores siring man sa mga transport systems.
Kinakaipuhan sana na magkaigwa nin aplikasyon kan bangko ngani na makapag download kan Paleng-QR PH.
Katabang kan ahensya an Department of Information and Communications Technology ngani na mapalawig an internet connectivity.
Dugang pa kan opisyal na ipiglansar man an piso caravan ngani na magkaigwa nin tsansa an publiko na masalidahan an unfit notes asin mga lumang currency.
Mientras tanto, sinabi ni Bermido na importante na nagkaigwa muna nin awareness campaign ngani na maibitaran kan publiko na mabiktima nin mga scams.
