Sinugo kan Malacañang an gabos nin ahensya kan gobierno, kabale an mga government-owned and controlled corporations asin state universities and colleges na imantinir an simple asin makabuluhan an saindang Christmas asin year-end celebrations.
Inengganyar man kan Palasyo ang mga local government unit na magsunod sa parehong pangapodan bilang pakisumaro sa mga Pilipinong padagos na nagbubuhat gikan sa mga naeksperyensyahang kalamidad.
Nakasaad ini sa Memorandum Circular No. 110 na pinirmahan ni Executive Secretary Ralph Recto kan Disyembre 15 asin inilathala kasoodma Disyembre 17.
Basado sa memo, an administrasyon an nagtitinir na nakasentro sa fiscal discipline asin sa maingat na paggamit kan pondo ng bayan, alinsunod sa mga prayoridad kan gobierno asin padagos na reporma sa paggastos.
Sinugo man an mga pamayo kan ahensya na siertohon an mahigot na pagsunod sa gabos na nagiiral na ley, patakaran asin regulasyon mapadapit sa wasto asin maingat na paggamit kan pondo kan gobierno.
Kan nakaaging taon, nangapodan man si Presidente Ferdinand Marcos Jr. sa mga kawani asin opisyal kan gobierno na ibitaran an magarbong selebrasyon kan Pasko bilang pakisumaro sa mga biktima kan sunod-sunod na bagyo.
