LEGAZPI CITY- Pinasalamatan ni Malinao Mayor Sheryl Capus-Bilo an mga miyembro kan Barangay anti-Drug Abuse Council kasunod kan pagkaka deklarar kan banwaan bilang drug cleared.
Makalihis kaya an assesment sa banwaan, nahiling na klarado na ini sa impluwensya kan iligal na droga.
Segun sa alkalde sa intrevista kan Bombo Radyo Legazpi na warang sawa na nagtrabaho an mga Barangay anti-Drug Abuse Council sa pakikipagtabangan Philippine National Police kaya nalinigan sa impluwensya kan ipinagbabawal na bulong an Malinao.
Sa ibong kaini, sinabi ni Mayor Sheryl na dae man liwat sinda mapundo sa paggibo kan saindang mandato asin sa pagbabantay sa banwaan ngani na mamantenir an nasabing deklarasyon.
Maruruduman kaya na maski pa drug cleared na an sarong lugar, dae maiibitaran na makalaog man liwat an mga drug personalities asin magbalik sa iligal na mga aktibidad.
