LEGAZPI CITY — Liwat na pigduon kan Commission on Elections (Comelec) Bicol na dae makaka apektar sa kandidatura ni Daraga Mayor Carlwyn Baldo an isinunad na patong-patong na kaso kontra digdi makalihis ikonektar bilang mastermind sa pagadan ki Congressman Rodel Batocabe.
Sa intrevista kan Bombo Radyo Legazpi kay Comelec Bicol Assistant Regional Director Romy Serrano, dae kakanselaron kan ahensya an kandidatura kan alkalde sa ibong kan pagsusunad kan Department of Justice nin duwang counts nin murder asin anom na counts nin frustrated murder.
Pag-eksplikar kan opisyal, hasta sa dae pa nako-convict an sarong kandidato sa anuman na kaso, dae pwedesir na pugulan sa pagdalagan an mga ini.
Katunayan, dakol na kaparehong kaso na suboot an pigbabantayan kan ahensya na kinakaimbweltuhan kan nagkapirang mga opisyal hali sa manlain lain na lugar sa nacion.
Mientras tanto, kumpiyansa man si Serrano na magigin matoninong an pirilian sa banwaan kan Daraga sa ibong kan pagsasairarom digdi sa Comelec control makalihis magkaigwa nin peace covenant an mga nagdadalagan sa pagka-alkalde sa nasambitan na banwaan.
