LEGAZPI CITY-Isinagibo an sabayang pagpapailaw kan mga kandila sa Libingan ng mga Bayani (LNMB) sa Taguig City bilang parte kan pagselebrar kan Undas.


Sabay-sabay na nagsindi nin kandila an mga indibidwal sa kada nitso bilang pag-rumdom sa mga namaaram na militar asin bayani kan nacion.


Pinangenotan ini kan mga miyembro kan Girl Scouts of the Philippines na may pigaapod na Synchronized Lighting of Candles, sa irarom kan superbisyon kan Philippine Army, na siyang namamayo sa nasabing himlayan.


Nagbugtak man sinda nin mga saradit na bandera sa kada krus bilang simbolo kan pagrespeto asin pagbisto.


Nasa 60,000 na mga indibidwal man an piglalaomang na mabisita sa nasabing himlayan.


Mientrastanto, pigsierto na man kan Philippine Army na bastante an seguridad sa lugar, katuwang an Philippine National Police.


Kairiba sa mga bistong nakahimlay digdi sinda dating Presidente Ferdinand Marcos, Fidel V. Ramos, Carlos Garcia, asin iba pa.