Nagtutubod si Senador Sherwin Gatchalian na makaka-enganyar nin mas dakol na turista an Pilipinas sa pig-lalaoman na pagsasaley kan Value-Added Tax (VAT) refund para sa turismo mantang paparani an pig-aapod na seasonal peak sa panahon nin kapaskuhan asin Bagong Taon.
Nagmamawot si Gatchalian na maipapasar ini pag-abot kan mga year-end holidays kun sain dakol na turista an nagbibisita sa Pilipinas nganing maeksperyensyahan an pagselebrar kan Pasko asin Bagong TaonMagigirumduman na pig-aprubahan pa sana kan Senado an naunambitang panukala sa ikatulo asin huring pagbasa.
Segun kay Gatchalian na an pagsasaley kan naunambitang panukala an magpaparahay kan tourism competitiveness kan nacion sa bilog na Asya asin magpapakusog liwat sa lokal na industriya kan turismo nin huli ta dakol nang mga pagtaraid sa rehiyon an haloy nang pigpapaotob ini.
Base sa datos kan Department of Tourism (DOT), na nag-abot sa poco mas o menos 3 milyon an numero kan international visitor arrival para sana man sa kabangaan kan taon.
Uminabot man sa 7% an piglangkaw na ini poon kan nakaaging taon. Segun sa DOT na an South Korea an mantinidong top source market kun sain 824,798 an mga bisitang naglalaog sa nasyon o 26% kan kabilugang bilang.
Sinusundan ini kan Estados Unidos na may 522,667 o 16.7%; China na may 199,939 o 6.3%; Japan na may 188,805 turista o 5.9%; asin Australia na may 137,391 o 4.3%.
