LEGAZPI CITY- Padagos na naghahanda an Deparment of Education (DepEd) para sa implementasyon kan three-terms calendar.
Marurumduman na pinaglalaoman an liwat na pagbubukas kan panibagong school year sa Hunyo 8.
Segun ki Legazpi City Division Office Spokesperson Santi Araña sa intrevista kan Bombo Radyo Legazpi na nagsasairarom sa mga training asin orientation an mga school heads asin mga paratukdo ngani na mas masabutan an nasabing programa.
Paliwanag kan opisyal na obheto kaini na ma-align an Philippine School calendar sa international academic system.
Sa paagi kan three-terms calendar, pinaglalaoman na mas mapapakarahay pa an kalidad kan pagkanuod kan mga estudyante asin mabawasan an classes fatigue.
Sinabi ni Araña na makakatabang man ini sa mas marhay na curriculum.
Nilinaw man kan opisyal na dae nabawasan an school days asin solamenteng nabawasan sana an quarterly exam hali sa apat pasiring sa tulo.
