LEGAZPI CITY-Nakatutok ngonian an aktres na si Gretchen Barretto sa pagbawi kan saiyang reputasyon mapadapit sa mga rebelasyon bunsod kan whistleblower na si Julie Patidongan alyas Totoy.
Segun sa abogado kan aktres na si Atty. Alma Mallonga, dai makakatbang sa ngonian an pagsangat nin reklamo laban kay alyas Totoy, na iyo an nagdawit sa pangaran kan aktres mapadapit sa mga nawawarang sabungero.
Sinabi man ni Atty. Mallonga na namumundo suboot an aktres sa mga nangyayari asin pighuhusgahan na siya kan mga tawo.
Huli digdi nagapela an abogado kan aktres sa publiko na magin discerning sa isyu.
Dagdag pa ni Mallonga na warang ebidensiya si alyas Totoy maliban sa mga pahayag na suboot pantasiya, imbento asin warang importansya asin dai man suboot nagpirma si alyas Totoy kan affidavit.
Pigkokonsiderar man kan aktres an posibleng pagsangat nin kasong perjury na sarong magabat na padusa na kung ma-convict suboot ini warang magigin probation.
Magigirumduman na enot nang inakusaran ni alyas Totoy si Gretchen Barretto bilang saro sa “alpha member” kan Pitmaster Group asin igwang aram sa gabos na nangyari sa pagdukot kan mga nawawarang sabungero.
Piglinaw man kan aktres na saro man sana siya sa investor sa Pitmaster Group asin wara siyang naaaraman sa pagkawara kan mga sabungero.
