LEGAZPI CITY – Piglalaoman kan Pio Duran Municipal Disaster Risk Reduction and Management Office (MDRRMO) sa provincia kan Albay an pagruso kan mga pasahero sa Pio Duran Port na mauli sa kanya-kanyang lugar durante kan pagtatapos kan holiday season.
Segun ki Pio Duran MDRRMO Head Noel Ordoña sa intrevista kan Bombo Radyo Legazpi na normal an sitwasyon sa pantalan alagad piglalaoman an pagdagsa kan mga pasahero sa mga masunod na aldaw na mga mabalik sa saindang eskwela asin trabaho.
Napansin kan saindang manhamiento na mas dakol an mga mapauruli sa Manila hale sa manlain-laing lugar komparar kan mga mapasiring sa Masbate.
Pig-asigurar man kaini na dae man makakanselar an ibang byahe sa ibong kan mga diit na pag-uuran na namamatean sa banwaan sa mga nakalihis na magdamlag.
Pigtawan doon man kan opisyal na wara man na naooctabang byahe asin stranded na pasahero nin huli ta magayon man sa ngunyan an kamugtakan kan panahon sa pantalan asin sa saindang papadumanan.
Wara man suboot na naitala na aksidente sa pantalan poon kan pasko hasta sa presenteng aldaw.
Pig-asigurar kaini na nagtetenir na nakalatag an saindang seguridad sa banwaan nganing mamantenir an pazy orden.
