LEGAZPI CITY — Pinag-oolayan na kan lokal na gobyerno kan Daraga kaibanan an pwersa kan pulisya na katabang sa pagmamando kan trapiko siring man an district engineering office an mga isasagibong lakdang tangarig na makatabang sa pagbawas sa bulos kan mga behikulo sa nasabing banwaan.
Haloy na kayang ipig-aagrangay kan publiko partikular na an mga haleng tercer distrito an problema na buminungkaras sa pagsarabayan kan mga patrabaho kan Department of Public Works and Highways (DPWH).
Napag-araman sa impormasyon ni P/Supt Elcid Roldan, hepe kan Daraga Municipal Police na nag-augment nin dugang na siyam katawo an pulisya mientras na nagharampangan man an mga ini kaibanan si District 2 Engr. Danny Villa tangarig na pag-olayan an iba pang mga concerns.
