Inilathala ngonian na Hunyo kan Supreme Court an sarong desisyon katakod sa kaso kan sarong lalaki na hinatulang guilty sa panlulugos sa menor de edad na babae na saiyang ka-relasyon.
Isinurat ni Associate Justice Jhosep Lopez an desisyon kan Pebrero 2025 asin nakasaad digdi na “A love affair does not justify rape.”
Sa sarong 20-pahinang desisyon, guilty an nagin hatol kan SC second division sa akusado, asin pinatawan nin padusa na reclusion perpetua o pagkakakulong nin hasta 40 taon.
Naenot nang napatunayan sa hibabang korte na nagkasala nin sexual abuse an akusado.
Dae tinanggap ng korte an argumento kan akusado na boluntaryo asin may permiso an saindang pagtatalik bilang magkasintahan kan babaeng 14-anyos.
Inapod kan SC an nasabing depensa kan lalaki na “sweetheart theory.”
Segun sa desisyon, pinirit kan lalaki an biktima na makipagtalik maski tumanggi an babae huli ta igwa siyang bulanang dalaw.
Nagpatanid suboot sa lalaki na ipapahiling sa pamilya kan babae an sarong video kan saindang paghahalikan, kaya napiritang magtugot an biktima huli sa takot.
Pirang aldaw makalihis an insidente, napansin kan lola kan biktima an dugo sa saiyang underwear asin hinapot kun ano an nangyari.
Digdi na ibinunyag kan biktima na pinirit siya kan lalaki na makipagtalik.
Huli digdi an nagsumbong sinda sa mga awtoridad.
Enot nang hinatulang guilty kan Regional Trial Court asin Court of Appeals an akusado.
Segun sa korte, wara ining nahiling pagdududa sa kredibilidad kan biktima huli sa tapat asin malinaw kaining salaysay na pinagsamantalahan siya.
Pigsugo man kan SC an lalaki na bayadan an biktima nin P75,000 bilang civil indemnity, P75,000 bilang moral damages, asin P75,000 bilang exemplary damages, na may legal na interes na 6% kada taon poon sa petsa kan pagigin pinal kan desisyon hasta sa ini an mabayadan.
