LEGAZPI CITY — Nagtetenir an suporta kan Philippine-Australia Solidarity Association (PASA) na nakabase sa Melbourne ki Sister Patrcia Fox na pina-deport ng Bureau of Immigration (BI) huli sa suboot paglbalgar kaini sa kondisyon kan pagtetenir sa nacion huli sa pagbali sa mga partisan political activities.
Sa ekslusibong intrevista kan Bombo Radyo Legazpi ki PASA media officer Stewart Harrison, sinabat kan Solidarity activists, church groups, asin media an nasambitan na Australian missionary sa pag-uwi nito kasuudma.
Segun ki Harrison, magpapahingalo muna si Fox alagad ipagpapadagos man liwat an kampanya kontra sa mga isyu kan social justice siring kan ginibo kaini sa Pilipinas.
Apwera digdi, makikipartisipar man an madre sa local campaigns na nangyayari sa Australia bilang pagdepensar sa mga diretsos kan aboriginal people asin refugees.
Suportado man kan PASA an kampanya ni Fox ngani na makabalik sa Pilipinas asin maipagpadagos an napuunan na lakdang.
Mientras tanto, nagtutubod si Harrison na bako sana pag-atake sa madre an ginibo kan Pilipinas kundi maging sa diretsos kan bilog na organisasyon, international wings kan Australia asin iba pang international organizations.
