LEGAZPI CITY — Tinawang duon ni Philippine Drug Enforcement Agency (PDEA) Bicol Director Christian Frivaldo na an pagpapaluwas kan narco-list sa publiko an bilang giya sana para sa publiko urog na ngonian na May 14 barangay asin Sangguniang Kabataan (SK) elections.
Segun ki Frivaldo, pangapudan kan organisasyon sa komunidad na magpili kan talagang ibubugtak sa pwesto asin dae iboto an mga naglansar na may bahid na an pangaran siring kan mga surrendered durg users (SDU).
Posible kayang imbwelto pa ini sa iligal na droga sa ibong kan pagpaparehab asin pagsuko sa mga otoridad. Enkaso man na dae naman naglansar pa an kasabay sa narco-list alagad an kaparientes an nagkandidato, pwedesir na ikonsiderar an pagboto digdi.
Sinabi pa kan opisyal na napapanahon an pagpaluwas kan listahan ngani na tawan nin bagong diskripsyon an pirilian siring man an dalagan kan sosyodad.
Segun pa digdi, hahalaton kan PDEA an pagsuko kan mga nasa listahan kun bukas an mga ini na makipag-kooperar sa kampanya kan gobierno na linigon an nacion hale sa iligal na droga.
