LEGAZPI CITY — Uyon an alkalde kan banwaan kan Guinobatan sa Albay sa naging desisyon ninda dating Punong Barangay Roland Mijares kan Barangay Bubulusan asin Vice Mayor July Tingzon na magsairarom sa drug test.
Sa intrevista kan Bombo Radyo Legazpi ki Mayor Gemma Ongjoco, sinabi kaining nagdulok sa saiya an bise alkalde ngani sabihong warang basehan asin anas alegasyon an ipiggagapong pahayag kontra saiya kan dating barangay kapitan.
Mas maray suboot na ma-validate kan mga otoridad an alegasyon asin ma-settle na an argumento asin maaraman an katotoohan.
Katakod kaini, sienerto ni Ongjoco na mas papakusugon an Barangay Anti-Drug Abuse Council (BADAC) urog na nag-numero uno an banwaan sa narcolist sa Albay.
Liwat na inutro kan alkalde na may lapses man an validation kan Philippine Drug Enforcement Agency (PDEA).
Sinabi man kan opisyal na dae ini nuarin man nakiaram sa operasyon kan mga otoridad kontra droga kundi pigsusuportahan pa kaini an kampanya.
