Ipigsaladawan kan senior Catholic bishop an pagkulong kay dating Presidente Rodrigo Duterte sa The Hague bilang spiritual grace asin pwedesir na huring pagkakataon na niya nganing magbalik loob sa Diyos asin pig-enganyar an mga tagasuporta ni Duterte na hilingon ini bilang sarong espirituwal na pagkakataon imbes na sarong political resistance.
Nabaggit ni Bishop Patricio Buzon kan Bacolod sa saiyang homilya sa sarong misa an Banal na Kasuratan, kun saen pigsabi kaini na si Duterte, na madali nang mag-80 anyos, an nabubuhay sa inutang na oras o panahon asin an saiyang pagkakakulong an pwedesir magsirbing sarong “moment of reckoning”.
Pigtaram man ni Bishop Buzon na an panahon sa kulungan an mas makapangyarihan kesa sa ano mang spiritual retreat.
Kun an mga tapat na tagasunod ni Duterte an nagpahayag nin warang hanggang pagkamoot saiya, dapat suboot nindang ipahiling ini sa paagi kan pagmamantenir kay Duterte sa The Hague.
Piggiit pa kan Obispo na si Duterte an aki kan Diyos asin mawot kan Diyos na siya an maligtas huli ta dae naoogma an Diyos sa kagadanan kan maraot na tawo imbes an dapat na talikdan kaini an saiyang mga salang nagibo asin mabuhay.
Nagpatanid man an Obispo na an ‘butang panatisismo’ an nagkakawsa nin pagkakawatak watak sa nacion, asin pig-enganyar an publiko na enuton an pagkamoot sa nacion kaysa sa pagiging loyal sa pulitiko asin labanan an paglakop kan fake news.
