Pigduon ni Agriculture Secretary Francisco Tiu Laurel Jr. na maikokunsiderar na economic sabotage an mga lakdang ngani na harangon an bakuna na pigbabakal kontra sa African Swine Fever.
Marurumduman kaya na nagbakal nin bakuna an Department of Agriculture sa Vietnam.
Pinaglalaoman na maabot ngunyan na semana an 150,000 doses kan nasabing bakuna.
Alagad kinuwestyon kan Ombudsman an importation field trial asin registration kan nasabing bakuna.
Huli digdi, posibleng ma-delay man an pagbabakuna kontra sa ASF alagad pipiriton suboot kan ahensya na mapuunan ini sa ground zero, partikular sa Batangas kun sain dakol an kaso kan nasabing helang.
