LEGAZPI CITY – Nadisganar an bise alkalde kan banwaan kan Sto. Domingo sa Albay makalihis na halion sa trabaho an saiyang tulong tauhan sa munisipyo.
Segun ki Vice Mayor Bong Banda, an tulo niyang mga empleyado na sinda Vilma Pascual, Rochelle Balde asin Claire Federico an hinarali sa trabaho kun saen dae ini sinwelduhan kan para sa bulan kan Enero asin Pebrero.
Segun sa opisyal, pinaapudan niya an municipal administrator na si Jun Aguas ngane na aramon an rason sa pagkakahali sa mga ini.
Segun man suboot ki Aguas, nawaraan na nin kumpyansa si Mayor Herbie Aguas sa tulong empleyado.
Segun man ki Banda, garong napersonal na maray an saiyang tauhan asin wara siya nin nahihiling na rason ngane na basta-basta sanang halion an mga ini.
Pinahimutikan man kaini na igwa nin conflict o problema sa pagultanan ninda kan alkalde asin kun igwa man suboot, hagad niya an ikararahay kan saiyang mga constituentes.
Dae man suboot siya maulang kun gabos na piggigibo an para sa ikakarahay kan mga programa kan saindang banwaan asin hagad sana kaini an malinaw na imahe asin transparency sa saindang gobyerno lokal.
