Nagpa-otob na nin paghihigpit an Vatican pirang oras bago an lubong ni Pope Francis.
Bandang alas-siyete nin banggi sa Vatican kan pinapundo na ninda an public viewing.
Sa ibong kan kadakol pa an nakapila an naghagad na sana sinda nin dispensa huli ta kinaipuhan ninda na paluwason an tawo bilang paghahanda.
Bandang alas-8 man nin banggi kan pinangenotan ni Cardinal Camerlengo Kevin Farrell an seremonyas kan Sealing of the Coffin.
Dae na man binanggit kan Vatican kun pira an mga halangkaw na opisyal kan manlain-laing nacion an ma-atendir.
Nangenot sa listahan si US President Donald Trump mantang si Presidente Ferdinand Marcos asin First Lady Liza Marcos an nag-abot na man sa Vatican nganing mag-atendir sa lubong kan namaaram na 88-anyos na Santo Papa.
Nagpahayag man nin pag-atendir an mga dating lider kan nacion arug ni dating US President Joe Biden.
Base sa pagkaka-ayos kan funeral mass nin alas-10 nin aga sa Vatican na nasa hampangan matukaw an presidente kan Argentina an nacion kun saen ipinangaki an Santo Papa na susundan kan Italy asin miyembro kan royal households asin mga presidente na naka-ayos sa French alphabetical order.
Pirang oras bago an gigibuhong misa an nakatalaang iluwas kan Vatican an kabilugang listahan kan mga world leaders na ma-atendir.
